Velkomin á útgáfusíðu og vefverslun Nýsköpunarmiðstöðvar Íslands.

Á þessari síðu er að finna allar þær bækur, blöð, skýrslur og sérrit á sviði rannsókna, þróunar og stjórnunar sem Nýsköpunarmiðstöð Íslands gefur út, oft í samvinnu við aðra lykilaðila í íslensku nýsköpunar- og rannsóknarumhverfi. Úrvalið er mikið og endurspeglar þá fjölbreyttu þjónustu sem Nýsköpunarmiðstöð Íslands veitir. Reglulega eru gefin út RB blöð sem innihalda tæknilegar upplýsingar sem nýttar hafa verið til viðmiðunar um viðhald og gerð mannvirkja. Að auki inniheldur vefverslun Nýsköpunarmiðstöðvar meðal annars gjaldfrjáls fræðslumyndbönd, stafræn örnámskeið, rit og skýrslur m.a. um samkeppnishæfni Íslands í alþjóðlegum samanburði, stjórnun og rekstur fyrirtækja og ferðaþjónustu. Hér er jafnframt að finna upptökur frá starfsemi Nýsköpunarmiðstöðvar, frá frumkvöðlasetrum og ýmsum ráðstefnum og kynningarfundum svo fátt eitt sé nefnt.

Hluti þeirra vara sem í boði eru fást án endurgjalds, en aðrar eru seldar gegn hóflegu gjaldi. Greiðslumiðlun fer í gegnum Valitor en vefverslunin er tengd sérstakri síðu sem býður upp á örugga meðhöndlun greiðsluupplýsinga. Dagleg umsýsla og rekstur vefverslunar er í höndum starfsfólks Nýsköpunarmiðstöðvar.